Беларуская палянічка

Едзе Лідзія Ярмошына ў таксі. Шафёр расказвае, што вунь тая дзяўчына каля дарогі ўжо гадзіну ловіць спадарожку.

Ярмошына адказвае:
- Галасаваць не ўмее!

Сябры, прагрэс крочыць па планеце сямімільнымі, дзесяцімільнымі, ды што там, тысячамільнымі крокамі і вы толькі паглядзіце, што ён зрабіў з Беларуссю… Ён яе проста перасягнуў…

Беларусь нібы вялікі МакДональдс: заўсёды ёсць бульбачка, усё прыбіраюць за сабой, а на сцяне вісіць партрэт лепшага работніка апошніх 30-ці гадоў.

Цярпенне і праца, усё… ты беларус.

Аднойчы беларус знайшоў чароўную бульбу, і яна сказала яму: «Загадай любое запаветнае жаданне і спазнаеш самае большае шчасце ў свеце». А ён мудра ўсміхнуўся і адказаў: "Мне няма чаго жадаць, я ўжо беларус". А бульбу з цыбуляй пасмажыў.

Беларусы настолькі міралюбівыя, што яны не сталі ваяваць за сваю незалежнасць, а проста дачакаліся і зноў чакаюць, пакуль суседнія дзяржавы сфарміруюць іх мяжу.

Беларусы настолькі незалежныя, што яны незалежныя нават ад незалежнасці.

- З 1 верасня ва ўсіх навучальных установах Беларусі заняткі будуць ісці без паўзаў - адзін за адным.

- Чаму?

- Каб школьнікі і студэнты не чакалі перамен.

Калі падчас сэксу з беларусам вы забыліся абгаварыць стоп-слова, то можна выкарыстоўваць універсальнае — «Белоруссия».

Памятка для расіян, якія адпраўляюцца ў Беларусь. Калі вы заблудзіліся ў беларускім лесе, трэба гучна крычаць "Бе-ло-рус-сия!!!"
Вас знойдуць і вельмi хутка...